रौतहट ४ बाट रास्वपाका पौडेल विजयी

रौतहट, २३ फागुन/ रौतहट ४ बाट राष्ट्रिय स्वतन्त्र पार्टीका उम्मेदवार गणेश पौडेल विजयी हुनुभएको छ । पौडेलले ३६ हजार ८७६ मत ल्याएर विजयी हुनुभएको छ। उहाँका निकटतम प्रतिद्वन्दी नेपाली कांग्रेसका देवप्रसाद तिमल्सिनाले १५ हजार ८६५ मत ल्याउनुभएको छ। उहाँले २१ हजार११ मत अन्तरले विजय हासिल गर्नुभएको छ । तिमल्सिना यस अघिका सांसद हुनुहुन्थ्यो। यसैगरी नेपाली कम्युनिस्ट पार्टीका रामकुमार भट्टराईले ९,९७८ नेकपा एमालेका रामजी साहले ३,४७८ , जनता समाजवादी पार्टीका राजकुमार दास तत्माले १,०६२ मत ल्याउनुभएको छ । यसै क्षेत्रबाट चुनाव लड्नुभएका चर्चित पत्रकार ऋषि धमालाले ६५५ मत ल्याउनुभएको छ।