रौतहटको मंगलपुरमा बन्द राजमार्ग सुचारु

रौतहट, २४ फागुन/ रौतहटको चन्द्रपुर १ मंगलपुरमा एक बालकको ठक्करबाट मृत्यु भ‌एपछि स्थानीयले पूर्व पश्चिम राजमार्ग अवरुद्ध पारेको खुलेको छ। पीडित पक्ष र बस व्यवसायीबीच सहमति पश्चात् राजमार्ग खुलेको इलाका प्रहरी कार्यालय चन्द्रनिगाहपुरले जनाएको छ।पुर्व-पश्चिम राजमार्गको बागमतीपुलमा पश्चिम बाट पुर्व तर्फ जादै गरेको ना ५ ख ६२६३ नम्बर को बसले सोही दिशा तर्फ जादै गरेको साईकल यात्री चन्द्रपुर नगरपालिका १ मंगलपुर बस्ने १३ वर्षिय कृष्ण सहनीलाई ठक्कर दिँदा उनको मृत्यु भएको थियो। बायाँ खुट्टाको तिघ्रामा, टाउकोमा चोट लागि उपचारको लागि बिरगंज तर्फ पठाएको उनको उपचारको क्रममा मृत्यु भएको थियो। मृत्युपछि आफन्त तथा स्थानीयले उचित क्षतिपूर्ति तथा दोषी उपर कारबाहीको माग गर्दै आज बिहानदेखि राजमार्ग अवरुद्ध गरेका थिए। प्रहरीले बस चालक जिल्ला चितवन भरतपुर उपमहानगरपालिका पाँच बस्ने ४१ वर्षीय सोम बहादुर प्रजा र बसलाई नियन्त्रण गरी कारबाही प्रक्रिया अगाडि बढाएको इलाका प्रहरी कार्यालय चन्द्रनिगापुरले जनाएको छ ।