करेन्ट लागेर एक वृद्धाको मृत्यु

रौतहट, ८ चैत/ रौतहटको चन्द्रपुर–८ बसन्तपुरमा करेन्ट लागेर ८४ वर्षीया कान्छी देवी चौधरीको मृत्यु भएको छ।छोरी ज्वाईँको घरमा बस्दै आउनुभएको उहाँ चैत ८ गते आइतबार दिउँसो धारामा पानी भर्ने क्रममा करेन्ट लागी घाइते हुनुभएकोमा उपचारको लागि चन्द्रपुर हस्पिटल प्रालिमा लगिएको उपचारका क्रममा मृत्यु भएको प्रहरीले जनाएको छ।

पोस्टमार्टम पश्चात शव मृतकका छोरा जोखन चौधरीले बुझिलिएको , घटनाबारे थप अनुसन्धान जारी जिल्ला प्रहरी कार्यालय रौतहटका प्रवक्ता डीएसपी विष्णु प्रदिप बस्यालले जानकारी दिनुभयो।